Mujhe Talash Hai
On Sunday, September 18, 2011
Yeh zara zara si baat par
tarha tarha ke azaab kyun
Jo kisi se bhi khafa na ho...,
mujhe uss khuda ki talaash hai
Mujhe laghzishon peh harr ghari
koi tok-ta hai baar baar
Jisey kar ke dil ko dukh na ho,
mujhe uss gunaah ki talaash hai
Main dhoondta hoon woh khizaan
jisey gulshanon se pyaar ho
Jisey kisi charaagh se na bair ho,
mujhe uss hawaa ki talaash hai
Mujhe uss nagar ki hai justuju
jahan koi bhi chahata nahi lahoo
Jahan hirann ko sher se darr na ho
mujhe uss jagah ki talaash hai
Yahan ik lamhey ke parraao mein
mere saare phool jhulas gaye
Ab jahan talkhiyon ki tapish na ho,
mujhe uss fiza ki talaash hai
Bina humsafar ke kab talak koi
musafiton mein laga rahe
Jahan koi kisi se juda na ho,
mujhe uss raah ki talaash hai
Mujhe dekh kar jo ik nazar
mere saare dard samajh sakey
Jo iss Qadar ho chara-gar,
mujhe uss nigaah ki talaash hai ♥
tarha tarha ke azaab kyun
Jo kisi se bhi khafa na ho...,
mujhe uss khuda ki talaash hai
Mujhe laghzishon peh harr ghari
koi tok-ta hai baar baar
Jisey kar ke dil ko dukh na ho,
mujhe uss gunaah ki talaash hai
Main dhoondta hoon woh khizaan
jisey gulshanon se pyaar ho
Jisey kisi charaagh se na bair ho,
mujhe uss hawaa ki talaash hai
Mujhe uss nagar ki hai justuju
jahan koi bhi chahata nahi lahoo
Jahan hirann ko sher se darr na ho
mujhe uss jagah ki talaash hai
Yahan ik lamhey ke parraao mein
mere saare phool jhulas gaye
Ab jahan talkhiyon ki tapish na ho,
mujhe uss fiza ki talaash hai
Bina humsafar ke kab talak koi
musafiton mein laga rahe
Jahan koi kisi se juda na ho,
mujhe uss raah ki talaash hai
Mujhe dekh kar jo ik nazar
mere saare dard samajh sakey
Jo iss Qadar ho chara-gar,
mujhe uss nigaah ki talaash hai ♥